扭轉乾坤

今個星期所有事情也不太如意, 心情很久沒有這麼差. FYP 的進度就更加不堪設想, 只是白坐了兩三天, 擔心得要死, 卻只能不停按動滑鼠昐望可click出奇蹟來. 情緒更不太受控制, 心頭總被一些事情壓著, 直至星期六在畫班裡方才找到一點啟示.
我嘗試告訴他們我所面對的問題, 看看他們能否為我帶來安慰.

我:我D功課做黎做去都做唔到呀, 咁點算?
A:咁我幫你啦, 我學左除數, 無人幫你我幫你做啦!
我:係…咁勁, 咁15除3 係幾多?
A:5 囉 !
我:咁45 除3 又係幾係多呀?(註：乘數表多數教到乘１０)
A:……………

我:我D功課做黎做去都做唔到呀, 咁點算?
B:咁問你全班最叻個個, 咪得囉!
我:我咪係全班最叻個個.
B:咁你去問全級最叻個個.
我:我咪係全級最叻個個.
B:咁你去問全校最叻個個啦.
我:咪又係我…
B:咁你去問全世界最叻個個啦.
我:哈哈…都係我.
B立刻用卡通片一線式三白眼仇視我.

我:我D功課做黎做去都做唔到呀, 咁點算?
C:咁你扭轉乾坤咪得囉.
我:係喎…咁乾坤係邊呀. 你不如俾你個乾坤我扭下.
C:呀…

雖然他沒有乾坤, 但很高興他給我一點安慰, 還給我一點指示. 我不太清楚乾坤是什麼, 只知道與命運有相互影響. 但我相信乾坤確實存在於物質之中, 可能在星體之間, 可能在大河流的源泉, 可能在卡車關門的一剎, 可能在木棉樹拋出毛毛球時. 可能在畫筆接觸畫紙的瞬間, 亦可能在他們和我的心中找到. 無論如何, 我會試試他給我的建議, 然後告訴他乾坤在那裡.

我最愛的自家作品(二): 氣焰